Dr Made moint:
Wenn einer eine Reise tut, dann kann er was erleben.
Distelhausen isch fr dr oi ond dr ander scho a Reise gwäsa. A Reise die sich
glohnd hoad. Des Ganze war subbr ond ohauffällig organisiert. D Gracher
send subbr druff gwäa. Ond des hoad ällas bassd. Dromm hend dia Fäns au älle
so subbrr midgmachd. Sogar auphgschdanda send se. S warad nehmlich Disch ond
Schdiahl doah. Aber des war scho klar. Wo soll mr die Dischdlheiser
Biergleeser au sonschd abschdella, wenn mr dr Riddmus middbaddscha will. Ond
Fans warad doah! Dr Saal war ausverkaufd. Aber dass d Gracher en därra
Gegend scho a riesigs Vakuum vorgfonda hend, des hemmer au beim Cd- ond
Tieschördverkauf gmergd. En dr Pause warad a baar Sacha scho ausverkaufd.
Vom subbr Publikum war dsom heera, dass se effder en därra Gegend schbiela
soddad. Dr Saund war iebrigends genau so, wia dr Achim gmoind hoad: Wenn d
Leid doah send wirds guad! Genau so wars. Lichd war au glasse vom David. Mai
Weib ond ih, mir hend auf dr Hoimfarrd de gands Zeid emmer noh gschwärmd.
Ond mir hend weid dsomm Fahra ghedd.
|
|
